Herbertsdale
From Wikipedia, the free encyclopedia
Herbertsdale is 'n klein dorpie aan die suidelike helling van die Outeniekwaberge. Dit is geleë 53 km noordwes van Mosselbaai in die vallei van die Langtourivier ('n sytak van die Gouritsrivier). Die R327-streekroete draai by PetroSA noordwaarts uit die N2 nasionale pad en via die Du Plessispas lei die pad verby Herbertsdale en met die Cloetespas oor die berge na Van Wyksdorp en Ladismith. Die dorpie val in die Tuinroete-distriksmunisipaliteit.
Herbertsdale | |
|---|---|
  Herbertsdale | |
| Koördinate: 34°1′0″S 21°46′0″O | |
| Land |  Suid-Afrika |
| Provinsie | Wes-Kaap |
| Distriksmunisipaliteit | Tuinroete |
| Plaaslike Munisipaliteit | Mosselbaai |
| Oppervlak | |
| • Totaal | 0,35 km2 (0,14 vk. myl) |
| Bevolking | |
| • Totaal | 622 |
| • Digtheid | 1 777/km2 (4 600/vk. myl) |
| Tydsone | UTC+2 (SAST) |
James Benton Herbert het teen 1860 29 5 ha van die plaas Hemelrood besit. In 1862 het die kerkraad van die NG kerk op Mosselbaai 'n stukkie van daardie grond van Herbert gekoop om 'n gebou op te rig wat as kerk en skool vir die afgesonderde gemeenskap sou dien. Landmeter Lewis A. Vintcent het opdrag ontvang om 'n dorpie by die skool uit te lê en die eerste erwe is op 14 Julie 1865 verkoop. In 1863 het eerw. Johann Kretzen van George reeds met sendingwerk daar begin wat vanaf 1872 deur die Berlynse Sendinggenootskap onder bekende sendelinge soos eerwaardes Kikillus, Fritz Scheffler en J.G. Grosskopf voortgesit is. In 1913 stig die wyk Herbertsdale van Mosselbaai af as 'n selfstandige gemeente van die NG Kerk met ds. H.S. Pretorius as die eerste predikant.
In die gebied word met beeste, skape, bokke en volstruise geboer. Op die vrugbare rivieroewers word lusern, lemoene, graan en druiwe verbou. Al die afgelope tweehonderd jaar word aalwyne getap.
- Standard Encyclopaedia of Southern Africa, del 5. Kaapstad: Nasou, 1972 ISBN 0-625-00321-7
- Bouwer, Alba en Hans Scheffler: Liewe Lydia-Liewe Fritz. Kaapstad: Tafelberg, 1972 ISBN 0-624-00315-9
- 1913–1963 Gedenkboek van die 50-jarige bestaan van die Nederduitse Gereformeerde Gemeente Herbertsdale
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
