Mokassin - Wikiwand
For faster navigation, this Iframe is preloading the Wikiwand page for Mokassin.

Mokassin

in Wikipedia, die vrye ensiklopedie

Mokassin
skoenstyl
'n SoortskoenWysig
Mokassins van (links na regs) Shoshone, Sioux en Arapaho
Mokassins van (links na regs) Shoshone, Sioux en Arapaho
Mokassins in die Museo de América in Madrid
Mokassins in die Museo de América in Madrid
Mokassins in die Britse Museum
Mokassins in die Britse Museum

Die mokassin (Engels: moccasin, Frans: mocassin) is skoeisel wat van bokleer vervaardig en tradisioneel deur die inheemse volke van Noord-Amerika (die Indiane of Eerste Nasies) gedra word. Mokassins is ook baie gedra deur die pelsjagters, handelaars en koloniste wat vanuit Europa na Noord-Amerika gekom het. Die mokassin het teruggekeer na Europa, waar dit (in aangepaste vorm) 'n modieuse skoeisel vir dra in vrye tyd geword het.

Variante

Alhoewel elkeen van die Eerste Nasies in Noord-Amerika sy eie variant van mokassin ontwikkel het, is daar twee hoofvariante. Mokassins met harde sole is vir die natuurlike terreine in Arktiese gebiede en die Groot Vlaktes aangepas. Hiervoor is sagte bokleer as bostuk met 'n swaarder stuk stywe leer aanmekaar genaai. Mokassins met sagte sole word van 'n enkele stuk leer vervaardig en kom in Subarktiese gebiede, die grasvlaktes van die noorde en in die noordooste van Noord-Amerika voor. Die laasgenoemde is die mees wydverspreide variant wat ook maklik saam met sneeuskoene gedra kan word.[1]

Internasionale skoenmode

Skoene en stewels volgens die Indiaanse styl het 'n vaste plek in die internasionale skoenmode verower. Moderne ontwerpe word onder meer verbind met die handelsmerk Minnetonka in besit van die gelyknamige Amerikaanse familie-onderneming wat in 1946 in die deelstaat Minnesota gevestig is. Hul produkte word industrieel vervaardig in lande soos die Dominikaanse Republiek.

Verwysings

Eksterne skakels

Algemene inligting
Kaart van Noord-Amerika met verskillende variante van mokassins
{{bottomLinkPreText}} {{bottomLinkText}}
Mokassin
Listen to this article