Natpak - Wikiwand
For faster navigation, this Iframe is preloading the Wikiwand page for Natpak.

Natpak

in Wikipedia, die vrye ensiklopedie

'n Bewerstert-tweestuknatpak met vashegters en 'n borsritssluiter.
'n Bewerstert-tweestuknatpak met vashegters en 'n borsritssluiter.

'n Natpak is 'n kledingstuk, gewoonlik gemaak van geskuimde neopreen, wat gedra word deur branderplankryers, onderwaterduikers, seilplankry, kanovaarders, en ander wat betrokke is by watersport en ander aktiwiteite in of op die water. Die doel daarvan is die verskaffing van termiese isolering, skuurweerstand en dryfvermoë aan die draer. Die isolasie-eienskappe is afhanklik van die gasborrels wat ingesluit is in die materiaal, wat die materiaal se vermoë om hitte te gelei verminder. Die borrels gee die natpak ook 'n laer digtheid, wat die draer se veerligtheid in die water verbeter.

Verskillende tipes duikpakke word gemaak vir verskillende gebruike en vir verskillende temperature. Pakke wissel van 'n dun (2 mm of minder) "shortie", wat net die bolyf bedek, tot 'n volle 8 mm semi-droë pak, gewoonlik aangevul deur neopreenstewels, handskoene en 'n kappie.

Die verskil tussen 'n natpak en 'n droëpak is dat 'n natpak toelaat dat water die pak binnedring, terwyl droëpakke ontwerp is om te verhoed dat water inkom, dus bly die onderklere droog en behou daarmee hulle isolerende doeltreffendheid. Natpakke kan voldoende beskerming bied in warm tot matige koue water. Droëpakke is gewoonlik duurder en meer kompleks, maar kan wel gebruik word vir beskerming in lae temperature of besoedelde water.

Gebruik

Duikpakke word gebruik vir termiese isolasie tydens aktiwiteite waar die gebruiker onderwater gedompel word, of tydens swaar seesproei op die wateroppervlak, waar normale natweerklere waarskynlik nie water sal kan uithou nie.

Aktiwiteite sluit onderwaterduik, seilvaart, seereddingbedrywighede, branderplankry, rivierrubberbootry, witwaterkajak en uithouswem in.

Die dra van duikpakke tydens oopwaterswembyeenkomste is omstrede, sommige deelnemers beweer dat duikpakke 'n mededingende voordeel gee, en nie net vir warmte gedra word nie.

  • Scubaduikers in duikpakke, een dra 'n kappie
    Scubaduikers in duikpakke, een dra 'n kappie
  • Eenstukpak gedra deur kitesurfer
    Eenstukpak gedra deur kitesurfer
  • Hoë sigbaarheid vir seeredding
    Hoë sigbaarheid vir seeredding
  • Branderplankryers in sg. stoomduikpakke
    Branderplankryers in sg. stoomduikpakke
Hierdie artikel is in sy geheel of gedeeltelik vanuit die Engelse Wikipedia vertaal.
{{bottomLinkPreText}} {{bottomLinkText}}
Natpak
Listen to this article