Europäische Gemeinschaft
From Wikipedia, the free encyclopedia
Di Öiropäischi Gmeinschaft (churz EG) isch en internazionali Organisazioon z Öiropa gsi.
Si isch mit em Vertrag vo Maastricht ane 1993 gründet worde. Ihri Vorgängerorganisazioon isch di Öiropäischi Wirtschaftsgmeinschaft (EWG) gsi. Zäme mit de äbefalls 1957 i de Römische Verträäg entstandene Öiropäische Atomgmeinschaft (EURATOM) het d EG di ersti und wichtigsti Süüle vo de Öiropäische Union (EU) bildet.
D EG het die Organ gha:
- s Öiropäische Parlamänt
- dr Root vo dr EU
- di öiropäischi Kommission
- dr öiropäisch Grichtshof
- dr öiropäisch Rächnigshof
D EU gits au syt em Vertrag vo Maastricht.
Am 1. Dezämber 2009 isch de Vertrag vo Lissabon in Chraft trätte. Mit däm sind d EG und d EU zämegleit worde. De Vertrag het a Stell von ere EU-Verfassig di bishärige Verträg veränderet. D EG wie au die beide andere Süüle sind abglöst worde. Iri Rächtspersönlichkeit isch a d EU übereggange.
Am 1. Dezämber 2009 het d EG ufghört beschtoo.