Friedrich I., Köönig z Pröisse
ditsche Bolitiker / From Wikipedia, the free encyclopedia
Dr Friedrich I., Köönig z Pröisse (* 11. Juli 1657 z Königsbärg; † 25. Februar 1713 z Berlin) isch vo 1701 aa dr ersti Köönig z Pröisse und Markgroof vo Brandeburg, Erzkämmerer und Kurfürst vom Häilige Römische Riich gsi. Vo sinere Inthronisierig as Kurfürst 1688 aa bis zur Köönigschröönig het er sich Friedrich III. gnennt.
Mit sinere Standeserhöhig zum Köönig am 18. Januar 1701 isch Brandeburg-Pröisse, wo bis denn in Personalunion regiert worde isch, zum nöije Köönigriich Pröisse gmacht. Eso het er die politischi Bedütig vo sim Land vergröösseret und dr Grundstäi für en Äinhäitsstaat Pröisse gläit, wo under sine Noochfolger zun ere öiropäische Groossmacht ufgstiige isch.