Fueßball-Wältmaischterschaft 2014
From Wikipedia, the free encyclopedia
D Ändrundi vu dr Fueßball-Wältmaischterschaft 2014 (portugiisisch Copa do Mundo FIFA, änglisch FIFA World Cup) vu dr Manne isch di 20. Uusdragig vu dr Fueßball-Wältmaischterschaft, em wichtigschte Turnier fir Fueßball-Nationalmannschafte gsii. D Ändrundi het vum 12. Juni bis zum 13. Juli 2014 z Brasilie stattgfunde. Wältmaischter isch zum vierte Mol Dytschland wore noch eme 1:0-Siig no Verlengerig im Finale gegen Argentinie.
FIFA Fußball-Weltmeisterschaft 2014 | |
---|---|
Copa do Mundo FIFA de 2014 | |
Aazahl Natione | 32 (vu 204 Bewärber) |
Weltmeister | Deutschland Dytschland (4. Titel) |
Uusdragigsort | Brasilien Brasilie |
Ereffnigsspil | 12. Juni 2014 (São Paulo) |
Ändspil | 13. Juli 2014 (Rio de Janeiro) |
Spil | 64 |
Dor | 171 (Ø: 2,67 pro Spil) |
Zueschauer | 3.429.873 (Ø: 53.592 pro Spil) |
Torschitzechenig | Kolumbien James Rodríguez (6 Door) |
Beschte Spiler | Argentinien Lionel Messi |
Geli Charte | 181 (Ø: 2,83 pro Spil) |
Gel-Roti Charte | 3 (Ø: 0,05 pro Spil) |
Roti Charte | 7 (Ø: 0,11 pro Spil) |
Dr Titelverdaidiger Spanien isch scho in dr Gruppephase uusgschide, dr Gaschtgeber Brasilie het im Halbfinale gege Dytschland verlore un isch noch ere 0:3-Niiderlaag im Spiil um Blatz 3 gege d Niederlande uf dr vierte Blatz chuu.
Di dytsch Fueßballnationalmannschaft isch dodermit automatisch fir dr FIFA-Konfederatione-Pokal 2017 qualifiziert.
Am 30. Oktober 2007 het s FIFA-Exekutivkomitee z Züri bschlosse, ass Brasilie zum zwaite Mol no 1950 Gaschtgeber vu dr Wältmaischterschaft isch. Dodermit isch Brasilie au automatisch Uusrichter vum Konfederatione-Pokal 2013 gsii.