عمرو اديب
From Wikipedia, the free encyclopedia
عمرو عبد الحى مصطفى اديب (اتولد فى المحله الكبرى، مصر، 23 اكتوبر 1963) اعلامى و مقدم برامج مصرى متميز اشتهر بوقوفه مع الانظمة الحاكمة (مبارك و السيسى ومعرضته الشديدة للرئيس محمد مرسى). عنده شعبيه كبيره فى مصر بين كل طبقات الشعب المصرى و شعبيه كبيره كمان فى الدول العربيه. الابن الوسط للسيناريست و الكاتب عبد الحى اديب و اخو المنتج السينمائى عماد اديب (اخوه الكبير) صاحب شركة جود نيوز. درس فى فيكتوريا كوليج فى القاهره و بعدين فى كلية الاعلام فى جامعة القاهره. بيعتبر عمرو اديب من أحسن اللى بيقدمو البرامج التلفزيونيه فى مصر و مشهور باسلوبه المتميز اللى بيتكلم بيه. من برامجه المشهوره اللى بيقدمها برنامج القاهره اليوم على قناة اليوم اللى تبع شبكة اوربت شوتايم (OSN) و الاول كان بيتبع بس شبكة اوربت بس بعد الاندماج للشوتايم دلوقتى بقى برنامج الحكاية على mbc مصر بيتذاع على اكثر من 6 اقمار البرنامج بيتشاف فى اكتر من قاره فى العالم، و بيرأس تحرير جورنال العالم اليوم و المدير التنفيذى لشركة جود نيوز الاعلاميه بتاعة أخوه عماد اديب.
| ||||
---|---|---|---|---|
معلومات شخصيه | ||||
اسم الولاده | (بالعربى: عمرو عبد الحي أديب) | |||
الميلاد | 23 اكتوبر 1963 (61 سنة) | |||
مواطنه | مصر المملكه العربيه السعوديه اليمن | |||
الزوج/الزوجه | لميس الحديدى (1990–) | |||
الاب | عبد الحى اديب | |||
اخوه و اخوات | ||||
الحياه العمليه | ||||
المدرسه الام | جامعة القاهره | |||
اللغه الام | عربى | |||
اللغات المحكيه او المكتوبه | عربى | |||
المواقع | ||||
IMDB | صفحته على IMDB | |||
تعديل مصدري - تعديل |
عمرو اديب مجوز المذيعه و الاعلاميه المشهوره فى مصر و اللى شغاله فى التلفزيون المصر و كمان شبكة قنوات النيل (NTN) لكن الايام دى بتقدم برنامج على قناة الحدث لميس الحديدى و جايب منها ولدين.عمرو اديب معروف بوطنيته و شعوره الانتمائى لبلده مصر و كانت ليه مواقف مشرفه فى التصدى لمحاولات تشويه صورة مصر فى الاعلام العربى. بعد ماتش الكوورة فى تصفيات كاس العالم بين مصر و الجزاير يوم 18 نوفمبر 2009 فى السودان فتح تليفونه على الهوا عشان يتلقى طلب مساعدات من المصريين فى السودان عشان يوصلها للمسؤولين. و استمر فى مناقشة الموضوع و اتعرض المصريين لاساءات من المشجعين الجزايريين بعد الماتش و ضرب على مصالح مصر فى الجزاير و تدمير مكتب شركة مصر للطيران فى الجزائر. عمرو اديب كمان معروف بحبه و انه بيشجع نادى الزمالك.