محافظات مصر
From Wikipedia, the free encyclopedia
بتتقسم مصر حسب دستور 1971 لوحدات إدارية بتتمتع بالشخصية الاعتبارية و بتتسمى محافظة . دلوقتى مصر بتتقسم لـ29 محافظة , بتبقى المحافظة قمة هرم التقسيمات الادارية اللى بيتكون من ( محافظة , مركز , مدينة ,حى ( فى المدن الاحياء بتتقسم لمناطق), القرى). فى كل محافظة بيعين رئيس الجمهورية محافظ , بيبقى المسئول على المحافظة بتاعته. اغلب المحافظات الكثافة السكانية فيها بتعدى 1000 انسان لكل كيلومتبر مربع. المحافظات يإما بتكون منطقة حضرية بالكامل أو منطقة ريفية أو خليط ما بين الاتنين , التفريق الرسمى ما بين المنطقة الحضرية و الريف بيبقى بحسب التقسيمات الادارية الادنى, المحافظة بتعتبر منطقة حضرية بالكامل مفيهاش مراكز , واللى هى بتكون تجمعات لمجموعة قرى , كلها بتتكون حاجة زى مدينة كدا و اكبر المدن دى غالبا بتبقى المحافظة.المحافظة ممكن تكون كلها مدينة كبيره واحدا زى فى حالة القاهرة و اسكندرية.