عماد حمدى
ممثل مصرى / From Wikipedia, the free encyclopedia
عماد حمدى (25 نوفمبر 1909 - 28 يناير 1984) ممثل مصرى. هو محمد عماد الدين عبدالحميد حمدى كبير من اشهر اللى ظهروا فى السينما المصريه.
| ||||
---|---|---|---|---|
معلومات شخصيه | ||||
الميلاد | 25 نوفمبر 1909 | |||
الوفاة | 28 يناير 1984 (75 سنة) | |||
مواطنه | مصر | |||
الزوجة | شاديه ناديه الجندى | |||
الحياه العمليه | ||||
المهنه | ممثل | |||
اللغه الام | عربى | |||
اللغات المحكيه او المكتوبه | عربى | |||
المواقع | ||||
IMDB | صفحته على IMDB | |||
السينما.كوم | صفحته على السينما.كوم | |||
تعديل مصدري - تعديل |
اتولد فى سوهاج فى صعيد مصر سنة 1909م.
اتعلم فن الالقاء على ايد الفنان عبدالوارث عسر و هو لسه تلميذ فى مدرسة التوفيقيه الثانويه فى القاهره ، و كان اول ظهور ليه فى السينما سنة 1942 فى فيلم " عايده " ، لكن بدايته السينمائيه الحقيقيه ابتدت سنة 1945 فى فيلم " السوق السوداء " من اخراج " كامل التلمسانى " و شارك فيه مع الممثله " عقيلة راتب ". بعد كده اتشهر و بقى المخرجين بيتهافتو عليه ، و ظهر فى افلام رومانسيه كتيره متاخده من روايات الادبا المصريين الكبار زى نجيب محفوظ و يوسف السباعى و احسان عبد القدوس و غيرهم ، و استمرت مسيرة عماد حمدى الفنيه من نجاح لنجاح لغاية ما اتربع على عرش السينما المصريه فى خمسينات القرن العشرين من مش منافس.
عماد حمدى اتجوز تلات فنانات مشاهير ، اولهم كانت المونولوجيست " فتحيه شريف " اللى اتجوزها سنة 1945 و كانت وقتها بتشتغل فى فرقة بديعه مصابنى و خلف منها ابنه " نادر ". و فى سنة 1953 اتجوز الفنانه " شاديه " اللى زى معاها كذا فيلم ناجح. و فى سنة 1961 اتجوز الممثله " ناديه الجندى " و قعد معاها تلتاشر سنه و له منها ابنه " هشام ".
مثل مع عبد الحليم حافظ فى افلام " الخطايا " و " أبى فوق الشجره " ، و أخر افلامه كان فيلم " سواق الاوتوبيس " . اتوفى فى 28 يناير سنة 1984 و هو عنده 74 سنه بعد ازمه قلبيه جامده. و ساب وراه ميراث فنى كبير من الافلام المهمه.