Artes marciales de Xapón
From Wikipedia, the free encyclopedia
Artes marciales de Xapón ye una espresión a respeutive de la pergrande variedá d'artes marciales natives de Xapón. Polo menos tres términos xaponeses intercámbiense davezu cola fras "artes marciales de Xapón": "budo", que lliteralmente significa "vía marcial", "bujutsu" (武術), que nun tien torna perfeuta pero que significa dalgo asina como ciencia, arte o oficiu de la guerra; y "bugei" (武芸), que lliteralmente significa "arte marcial." La pallabra "budo" ye moderna, y normalmente val pa indicar la práutica de les artes marcales como un mou de vida, y abarca dimensiones físiques, espirituales, y morales col aquel del medru, realización o desarrollu personal. Los términos bujutsu y bugei tienen definiciones más discretes, polo menos si se fala dende'l puntu de vista históricu. Bujutsu refierse concretamente a l'aplicación práutica de les táutiques y téuniques marciales nel combate real. Bugei refierse a l'adautación o deprendimientu d'eses táutiques y téuniques pa facilitar la instrucción y divulgación sistematizaes dientro d'un rodiu d'aprendizaxe formal.