Ciudá-prefeutura de la República Popular China
división alministrativa de China / From Wikipedia, the free encyclopedia
Una ciudá-prefeutura (chinu: 地级市, pinyin: dìjí shì, lliteralmente «ciudá a nivel de rexón»), dacuando traducíu cuasi direutamente como «ciudá de nivel de prefeutura» o «conceyu a nivel de prefeutura», ye una división alministrativa de la República Popular China que s'asitia, na estructura político-alministrativa, per debaxo del nivel provincial y percima del nivel de condáu. Ye la división más frecuente a esti nivel, con 283 nel añu 2005. Una ciudá-prefeutura suel ser un centru urbanu arrodiáu d'una amplia zona rural na qu'hai tamién más ciudaes, llocalidaes y pueblos, lo que n'occidente suel considerase l'área metropolitana o aglomeración urbana. Son munches les ciudaes que tienen el mesmu nome que la ciudá-prefeutura na que tán.