Emilia-Romaña
From Wikipedia, the free encyclopedia
Emilia-Romaña (n'italianu: Emilia-Romagna; n'emiliano-romañol: Emîlia-Rumâgna) ye una de les venti rexones que conformen la República italiana. La so capital y ciudá más poblada ye Boloña.
Emilia-Romaña | |||||
---|---|---|---|---|---|
| |||||
Alministración | |||||
País | Italia | ||||
ISO 3166-2 | IT-45 | ||||
Tipu d'entidá | rexón d'Italia | ||||
Capital | Boloña | ||||
Presidente de Emilia-Romaña (es) | Stefano Bonaccini | ||||
Nome llocal | Emilia-Romagna (it) | ||||
División | |||||
Xeografía | |||||
Coordenaes | 44°45′N 11°00′E | ||||
Superficie | 22123.09 km² | ||||
Llenda con | Vénetu, Lombardía, El Piamonte, Liguria, Toscana y Marche | ||||
Altitú media | 211 m | ||||
Demografía | |||||
Población | 4 459 477 hab. (2019) | ||||
Densidá | 201,58 hab/km² | ||||
Más información | |||||
Estaya horaria | UTC+01:00 y UTC+02:00 | ||||
regione.emilia-romagna.it | |||||
Ta allugada en Italia nororiental, llindando al norte con Lombardía y Vénetu, al este col mar Adriáticu, al sur con Marche, San Marín y Toscana, al suroeste con Liguria y al oeste con El Piamonte. Con 4 450 451 hab. en 2013 ye la sesta rexón más poblada —por detrás de Lombardía, Lazio, Campania, Sicilia y Vénetu— y con 22 496 km², la sesta más estensa, por detrás de Sicilia, El Piamonte, Cerdeña, Lombardía y Toscana.[1]
Constituyida oficialmente'l 7 de xunu de 1970,[2] ye una rexón densamente poblada, especialmente na llanura central. Ta compuesta pola unión de dos rexones históriques: Emilia, qu'entiende les provincies de Plasencia, Parma, Reggio Emilia, Módena, Ferrara y bona parte de la de Ciudá metropolitana de Boloña cola capital, y la Romaña, coles restantes provincies de Rávena, Rimini, Forlì - Cesena y la parte oriental de la Ciudá metropolitana de Boloña (Imola y zones estremeres). La Romaña histórica entiende per otru llau pequeños territorios nes Marche y en Toscana.
Les árees que constitúin la rexón actual tán poblaes dende tiempos remotos, como indiquen dellos afayos: el casu más famosu ye'l del sitiu de Monte Poggiolo, pela redolada de Forlì, onde s'axuntaron millares d'oxetos que daten d'alredor de fai 800.000 años, lo que demuestra que la zona yá taba habitada nel Paleolíticu.