Fíu de puta
From Wikipedia, the free encyclopedia
Fíu de puta ye una espresión soez y un disfemismo que s'utiliza davezu como insultu,[1] anque tien tamién otres connotaciones en función del contestu en que se pronuncie.[2] Según el Diccionario de la lengua española, de la Real Academia Española, ye una forma vulgar de denominar a daquién "mala persona".[3] El calter ofensivu del términu vien del usu de la pallabra "puta", un sinónimu peyorativu de prostituta.[4]
La evolución del términu, y la so integración nel llinguaxe habitual, llevó a un usu menos peyorativu del mesmu, qu'inclusive, y según delles sentencies xudiciales, nun ye consideráu un insultu a efeutos llegales, siquier n'España.[5] La llocución nominal "fíu de puta" ta considerada unu de los tacos o insultos más utilizaos en llingua castellana.[6]
Nos últimos tiempos, produciéronse delles variaciones de la espresión, como'l vulgarismu fíu puta y los sos contraiciones apocopadas hijoputa y joputa, utilizaes con ciertu avezamientu inclusive en prensa escrita.[1][7][8] N'Hispanoamérica (particularmente na zona del Caribe y América Central), abondó l'usu de hijueputa y jue'puta,[9] de resultes tamién d'una vulgarización de la orixinal.