Fórmula 3 Euroseries
From Wikipedia, the free encyclopedia
La Fórmula 3 Euroseries o F3 Euroseries foi una competición de Fórmula 3 apostada n'Europa ente los años 2003 y 2012.
Fórmula 3 Euroseries | |
---|---|
Xeneral | |
Tipu de competición | serie de competición d'automovilismu |
Deporte | deporte de motor |
Historia | |
Fundación | 2003 |
Competición | |
www.f3euroseries.com | |
Ye heredera del Campeonatu Européu de Fórmula 3, que s'apostó ente los años 1975 y 1984 baxu tutelar de la Federación Internacional del Automóvil. Otru antecedente ye la Copa Europea de Fórmula 3, que yera una carrera añal apostada ente 1985 y 1990 en diversos circuitos, y dende 1999 hasta 2002 nel circuitu caleyeru de Pau.
La F3 Euroseries surdió de la fusión del Campeonatu de Francia de Fórmula 3 y el Campeonatu d'Alemaña de Fórmula 3, tres un alcuerdu ente la Fédération Française du Sport Automobile (FFSA) y la Deutscher Motor Sport Bund (DMSB). Amás d'esos dos países, el campeonatu apostóse n'otros países d'Europa: Bélxica, España, Italia, Países Baxos, Reinu Xuníu, Austria, Mónaco, Portugal y la República Checa. En 2013, la Fórmula 3 Euroseries foi absorbida pol Campeonatu Européu de Fórmula 3.
Munchos pilotos de la F3 Euroseries llograron xubir hasta la GP2 Series, el Deutsche Tourenwagen Masters o inclusive la Fórmula 1. Ente ellos atópense Lewis Hamilton, campeón en 2005, Robert Kubica, séptimu en 2004, Kazuki Nakajima, séptimu en 2006, Nico Rosberg, cuartu en 2004, Adrian Sutil y Sebastian Vettel, subcampeones en 2005 y 2006, respeutivamente.