Guerra de los Ochenta Años
From Wikipedia, the free encyclopedia
Plantía:Campaña Guerra de los Ochenta Años
Guerra de los Ochenta Años | ||||
---|---|---|---|---|
Parte de guerres de relixón n'Europa | ||||
Fecha | 23 mayu 1568 → 30 xineru 1648 | |||
Llugar | Países Baxos (y por estensión nel mar, América y Asia) | |||
Resultáu |
Paz de Westfalia Independencia de les provincies septentrionales de los Países Baxos España retién los Países Baxos Meridionales | |||
Belixerantes | ||||
| ||||
230 000-2 000 000 muertos en total ente civiles y militares. | ||||
[editar datos en Wikidata] |
La guerra de los Ochenta Años o guerra de Flandes foi una guerra qu'enfrentó a les Diecisiete Provincies de los Países Baxos contra'l so soberanu, quien yera tamién rei d'España. La rebelión contra'l monarca empezó en 1568 en tiempos de Margarita de Parma, Gobernadora de los Países Baxos y remató en 1648 cola reconocencia de la independencia de los siete Provincies Xuníes, güei conocíes como Países Baxos. Como sida, les rellaciones de Margarita cola nobleza holandesa protestante nunca fueron del tou fluyíes, esti fechu, sumáu a la so inoperancia y a la distancia esistente ente dambos países fizo que se fueren alloñando cada vez más de la política española en busca de los sos intereses económicos y políticos con un aire d'independencia qu'empezaba a xestase nel ambiente. Los países que güei se conocen como Bélxica y Luxemburgu formaben parte de los Diecisiete Provincies, pero permanecieron lleales a la corona (los territorios sol dominiu del Obispáu de Liexa nun formaben parte de los Diecisiete Provincies, sinón direutamente taben nel Sacru Imperiu Romanu Xermánicu).
La resultancia final de la guerra de los Ochenta Años foi la independencia real de los Países Baxos tres la Paz de Westfalia; pero nun ta tan claro qu'esta fora la causa de la guerra. Ésta foi la resultancia final de les discrepancies ente la Monarquía Hispánica y la parte de los súbditos a los que teníen que gobernar nestes provincies. La falta de tactu del duque d'Alba y la so falta de seriedá —llegó a matar a los habitantes d'una ciudá que se rindió so pallabra de que se respetaría la vida de los sos defensores— condució a que discrepancies que teníen el so orixe nel calvinismu y los intereses de la nobleza holandesa derivaren nuna guerra. Cuando esta terminó, siguió reconociéndose la soberanía nominal del Rei d'España, pero les provincies seríen gobernaes na práutica por un estatúder (llugarteniente neerlandés).
Les Provincies Xuníes remanecieron de la guerra como una potencia mundial gracies a la so poderosa armada y flota mercante, y esperimentaron una importante puxanza económicu y cultural.
Pa la Corona española, la independencia de les Provincies Xuníes representó una gran perda de prestíu. El caltenimientu económicu de la guerra mientres un periodu tan enllargáu contribuyó en gran parte a provocar les socesives bancarrotes de la Corona española a lo llargo de los sieglos XVI y XVII, y al fundimientu de la economía d'España.