Historia de la homosexualidá n'Alemaña
From Wikipedia, the free encyclopedia
La homosexualidá n'Alemaña tuvo carauterizada, especialmente mientres la persecución nazi y los dos décades tres la creación de la República Federal d'Alemaña, por una llexislación discriminatoria y la persecución. Mientres los años 1999 a 2005, sol gobiernu de coalición de verdes y socialdemócrates, Alemaña convirtióse nun país relativamente tolerante na reconocencia de la igualdá de derechos pa los homosexuales.
Per otra parte, a pesar de les condiciones adverses, Alemaña ye l'orixe del movimientu LGBT nes primeres décades del sieglu XX, años nos que se creó una floreciente subcultura gai y lésbica, que tendría una gran influencia nos movimientos LGBT posteriores. Una perspeutiva de la historia LGBT alemana puede vese nel Schwules Museum de Berlín, una institución única nel mundu dedicada al caltenimientu y espardimientu de la historia LGBT.