Monesteriu de San Pedro de Villanueva
monasteriu, Bien d'Interés Cultural From Wikipedia, the free encyclopedia
El Monesteriu de San Pedro de Villanueva ta asitiáu na parroquia de Villanueva, nel conceyu de Cangues d'Onís.
| Monesteriu de San Pedro de Villanueva | |
|---|---|
| monesteriu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Cangues d'Onís |
| Coordenaes | 43°21′59″N 5°09′05″W |
  Monesteriu de San Pedro de Villanueva Monesteriu de San Pedro de Villanueva (Asturies) | |
| Patrimoniu | |
 | |
Perteneciente a la orden de los Benedictinos, ta consideráu como unu de los exemplos d'arquiteutura románica más importantes d'Asturies.
La primera construción eclesiástica atribuise a la dómina d'Alfonsu I, xenru de don Pelayu. D'esta construción prerrománica nun se conserva anguaño nengún tipu de restos, conservándose sólo les construcciones romániques y barroques.
Nel sieglu XII paso de ser ilesia a monesteriu.
A finales del sieglu XX, fízose una remodelación del vieyu conventu benedictín convirtiéndolu en Parador Nacional de Turismu, siendo inauguráu'l 8 de xunetu de 1998.
La ilesia d'una sola nave ye xunto col monesteriu unu de los exemplos más importantes del románicu asturianu. Al entamu la planta de la ilesia constaba de tres naves pero depués de la reforma que tuvo llugar en 1775 pasó a tener sólo una.
Conserva tres ábsides románicos construidos en sillar.
Accédese a la ilesia atravesando una torre-pórticu de 1689 con una portada d'accesu de finales del sieglu XII. Tien cuatro archivoltes de mediu puntu, con decoración floral y xeométrica, sofitándose sobre otros tantos pares de columnes. Los capiteles son interesantes y representen escenes nes que la temática amorosa y la caza son protagonistes (tradicionalmente dizse que amuesen la despedida del rei Favila de la so muyer anantes de partir de caza). Tien otres dos puertes d'entrada una ciega y la otra que da accesu a la capiella de San Miguel.
A los pies de la ilesia perviven los restos del claustru románicu primitivu de finales del sieglu XII. Esti claustru foi sustituyíu na reforma que tuvo llugar ente los años 1674-1694 pol actual claustru barrocu.
El monesterio foi abandonáu en 1835 depués de la desamortización de Mendizábal quedando la ilesia activa como ilesia parroquial.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
