La Revolución indonesia o Guerra d'Independencia d'Indonesia foi un conflictu armáu y llucha diplomática ente Indonesia y los Países Baxos, según una revolución social interna. Tuvo llugar ente la declaración d'independencia d'Indonesia en 1945 y la reconocencia neerlandesa de la independencia d'Indonesia en 1949. La Revolución destruyó l'alministración colonial que fuera gobernada dende l'otru llau del mundu. Tamién modificó de manera significativa les castes raciales y amenorgó el poder de munchos de los gobernantes locales (rajás); sicasí, nun ameyoró la suerte económica o política de la mayoría de la población, anque dellos indonesios pudieron adquirir un mayor rol nel ámbitu comercial.
Datos rápidos Fecha, Llugar ...
Zarrar
Foi una de les mayores revoluciones del sieglu XX, el conflictu duró más de cuatro años ya implicó conflictos armaos esporádicos, pero sangrientos, trestornos políticos y comuñales al interior d'Indonesia y dos importantes intervenciones diplomátiques. Les fuercies neerlandeses nun fueron capaces de prevalecer sobre les indonesies, pero fueron lo suficientemente fuertes p'aguantar la so espulsión.[4] Magar les tropes neerlandeses pudieron controlar los pueblos y ciudaes en bastiones republicanos en Java y Sumatra, nun llograron apoderar les aldegues nin el campu. Asina, la República d'Indonesia finalmente predominó tanto al traviés de la diplomacia internacional como por aciu la determinación indonesia nos conflictos armaos en Java y otres islles, de tal manera qu'escosaron a la economía neerlandesa.[4]