Teléfonu intelixente
teléfonu móvil con carauterístiques de conexón informática más avanzaes / From Wikipedia, the free encyclopedia
El teléfonu intelixente (smartphone n'inglés) ye un tipu d'ordenador de bolsu que combina los elementos d'una tablet colos d'un teléfonu móvil. Sobre una plataforma informática móvil, con mayor capacidá d'almacenar datos y realizar actividaes, asemeyada a la d'una minicomputadora, y con una mayor conectividad qu'un teléfonu móvil convencional. El términu intelixente, que s'utiliza con fines comerciales, fai referencia a la capacidá d'usase como un ordenador de bolsu, y llega inclusive a reemplazar a un ordenador personal en dellos casos.
Xeneralmente, los teléfonos con pantalles táctiles son los llamaos teléfonos intelixentes, pero'l soporte completu al corréu electrónicu paez ser una carauterística indispensable atopada en tolos modelos esistentes y anunciaos dende 2007. Casi tolos teléfonos intelixentes tamién dexen al usuariu instalar programes adicionales, davezu inclusive dende terceros, fechu que dota a estos teléfonos de bien de aplicaciones en distintos terrenes; sicasí, dellos teléfonos son calificaos como intelixentes entá cuando nun tienen esa carauterística.
Ente otres traces comunes ta la función multitarea, l'accesu a Internet vía Wifi o redes 2G, 3G o 4G, función multimedia (cámara y reproductor de videos/mp3), a los programes d'axenda, alministración de contactos, acelerómetros, GPS y dellos programes de navegación, según dacuando l'habilidá de y lleer documentos de negocios en variedá de formatos como PDF y Microsoft Office.