Xardín chinu
From Wikipedia, the free encyclopedia
L'arte de la xardinería tien, pa los chinos, la mesma considerancia sagrada que la escritura o la poesía. El xardín ye, al empar, parte del so llar y llugar de recréu, un llugar máxicu”, un cosmos en miniatura nel que se procura recrear la imaxe d'una naturaleza ideal. El xardín representa un compromisu constante ente les dimensiones estétiques y simbóliques. Los xardinos chinos respuenden, por tanto, a una serie de códigos que, si omítense, dan como resultáu una interpretación bien parcial del so significáu o de lo que l'artista quixo espresar.