Yaxchilán
From Wikipedia, the free encyclopedia
Yaxchilán ye una antigua ciudá de la Cultura Maya asitiada na vera del Ríu Usumacinta, no que güei ye l'estáu de Chiapas, Méxicu. Nel Periodu Clásicu Tardíu, Yaxchilán foi unu de los más poderosos estaos mayes a lo llargo del cursu del Usumacinta, con Piedras Negras como'l so principal rival. Estilos arquiteutónicos nos sitios subordinaos na rexón del Usumacinta demuestren clares diferencies que marquen una llende clara ente los dos reinos.
Yaxchilán | |
---|---|
xacimientu arqueolóxicu | |
Llocalización | |
País | Méxicu |
Estáu federáu | Chiapas |
Conceyu | Ocosingo |
Coordenaes | 16°54′00″N 90°58′00″W |
Yaxchilán foi un gran centru, importante mientres el Periodu Clásicu, y el poder dominante de la zona del Ríu Usumacinta. Apoderaba sitios más pequeños tales como Bonampak y tuvo una llarga rivalidá con Piedras Negras y siquier por un tiempu con Tikal y con Palenque con quien Yaxchilán encaro una guerra nel añu 654.
El sitiu ye especialmente conocíu polos sos dinteles de piedra esculpíos en bon estáu de caltenimientu establecíos percima de les puertes de les estructures principales. Estos dinteles, xunto colos cercos alzaos ante los principales edificios, contienen testos xeroglíficos que describen la historia dinástica de la ciudá.