Nemaniçlər
From Wikipedia, the free encyclopedia
Nemaniçlər (serb. Немањићи) — orta əsr Serbiya sülaləsi (1170–1371). Onun soybaşı Raşkanın böyük jupanı Stefan Nemanya Serbiyada vahid dövlət təməlini qoymuşdur. Tanınmış nümayəndələri arasında Nemanyanın oğlu 1217-ci ildə kral titulunu qəbul etmiş böyük jupan Stefan Nemaniç (1196–1227), Balkanlarda geniş serb-yunan çarlığını yaradan və özünü "serblərin və yunanların çarl" adlandırmış Stefan Duşan (1331–1355) yer alır. Onun oğlu çar Stefan Uroşun (1355–1371) zamanı Nemaniçlərin dövləti dağıldı. Serbiya despotluğunda onların yerinə Lazareviçlər gəldilər.