Deitschöstareich
From Wikipedia, the free encyclopedia
Deitschöstareich, Republik Deitschöstareich, Deutschösterreich, aa Deutsch-Österreich oda Republik Deutschösterreich is a Stoot in Middleiropa gwen, dea wos vo 1918 bis 1919, aus de iwawiengd vo Deitschn bsiedltn Gebiete vo da Östareichisch-Ungarischn Monarchie, nochm Zafoi aussagaunga is.
Der Artikl is im Dialekt Östareichisch gschriem worn. |
Da Begriff „Deitschöstareich“ beschreibt zwaa untaschiedliche Themen: → de inofiziölle Bezeichnung vo de iwawiagand deitschsproching Kronlända vo da östareichischn Reichshöiftn (Cisleithanien) vo da k.u.k. Monarchie |
Republik Deitschöstareich Republik Deutschösterreich | |||
---|---|---|---|
| |||
Amtssproch | Deitsch Regionale Sprochn: Krowodisch, Windisch, Ungarisch, Tschechisch, u. a. | ||
Haptstod | Wean | ||
Stootsfoam | Republik | ||
Bundespresident | |||
Bundeskaunzla | Dr. Karl Renner | ||
Gliedarung | 9 Prowinzn und 3 Eischlussgebiet | ||
Flächn | 118.311 km² | ||
Eihwohnazoi | 10,37 Mil. | ||
Stootsgrindung | 21. Oktoba 1918 | ||
Währung | 1 Krone = 100 Heller | ||
Es beaunspruchte Stootsgebiet 1918 | |||
|
Da Zafoi vo da Monarchie, nochm Erschtn Wöidkriag (noch da Kapitulazion vo Östareich-Ungarn) is nimma aufzhoitn gwen. De Kronlända Behmen und Mährn sowia da vo Slowakn bsiedlte Teu vo da ungarischn Reichshöiftn, hom se entschlossn an Tschechoslowakischn Stoot zgrindn und den noch da Kapitulazjon ausgruaffm. De windisch, krowodisch und serbisch bsiedltn Teule vo da östareichisch-ungarischn Monarchie hom se mid Serbien und Montenegro zaummgschlossn und es Kenigreich vo de Serbm, Krowodn und Slowenen ausgruaffm. Da greßte Teu vom Kronlaund Galizien und Lodomerien is unta poinische Hoheit kema. De deitschn Obgeordnetn vom östareichischn Reichsrat hom se dahea entschlossn de Republik Deitschöstareich auszruaffm und de mid da ebmso grod grindtn Deitschn Republik, de wos ausm Deitschn Reich hervuaganga is z vaeining.