Skouds
From Wikipedia, the free encyclopedia
Skouds (lietovėškā: Skuodas) īr miests Klaipiedas apskrėtie. 80 km i šiaurė nu Klaipiedas ė 2 km i pėitus nu Latvėjės robežiaus. Miests tor seniūnėjės statosa, tēpuogė īr apīlėnkiū seniūnėjes cėntros.
Žmuoniū skaitlios | 5 346 (1 sausė 2023, demograpėnis balansos) |
---|---|
Ikūrėma metā | 1253 |
Geuograpėjė | |
Prėgol pri | Skouda seniūnėjė |
Šalės | Lietova |
Pluotībė | 4.9 kvadratėnis kiluometros |
Augštoms | 31, 18 |
Koordėnatės | 56.2667°N 21.5333°E |
Pašta kods | LT-98001 |
Telepuona kods | 440 |
Pru Skouda tek Bartova, čė ana īr patvėnkta, diutuo miesta pėitvakariūs telkša Bartuvuos tvėnkėnīs. Vakarėnio pakraštio ēn Kretinguos - Priekolės gelžkėlis. Glabnė miestā bodīnkā sotelktė miesta cėntrė: Skouda Šventiausės Trejībės bažninčė, Skouda muziejos, pašts, koltūras nomā, savėvaldībė, kėik i šiaurė - rajuona cėntrėnė lėguonėnė, īr globuos nomā. I šiaurė nu miesta i Bartova itek Louba, vuo rītėnis miesta šmuots ēn Loubas kairioujo intako - Pošopio.
Skouds īr pėrmasā miests Lietuvuo, katros nusprendė rajuona savėvaldībės puosėdius vestė ne lietoviu, vuo žemaitiu kalba.