Pustiso
From Wikipedia, the free encyclopedia
An pustiso (Ingles: dentures), midbid man bilang bakong-totoong ngipon, iyo mga prostetikong kagamitan na pighaman para maribayan an mga nawawarang ngipon, asin iyo pigsusuportahan kan mga nakapalibot na malumoy asin matagas na tisyu nin oral cavity.
![Thumb image](http://upload.wikimedia.org/wikipedia/commons/thumb/7/7d/Occclusal_denture_example.jpg/320px-Occclusal_denture_example.jpg)
An mga kumbensyonal na pustiso iyo natatangkas (removable partial denture o complete denture). Alagad, igwa nin manlainlain na disenyo nin pustiso, kun sain an iba iyo nakadepende sa pagsugpon o pagkapot sa mga ngipon o dental implants (fixed prosthodontics). Igwa nin duwang panginot na kategorya nin mga pustiso, an pagkakalain iyo kun ini nagamit sa pagribay nin mga nawawarang ngipon sa mandibular arch o sa maxillary arch.