![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/Mauryan_Empire_260_BCE.png/640px-Mauryan_Empire_260_BCE.png&w=640&q=50)
Імперыя Маур’яў
From Wikipedia, the free encyclopedia
Імперыя Мау́р’яў — старажытная індыйская дзяржава ў 317—180 гадах да н.э. са сталіцай у Паталіпутры.
![](http://upload.wikimedia.org/wikipedia/commons/thumb/3/3e/Mauryan_Empire_260_BCE.png/640px-Mauryan_Empire_260_BCE.png)
Дзяржава Маур’яў стала гістарычна значнай неўзабаве па паходаў Аляксандра Македонскага як вынік барацьбы першага маўр’яўскага ўладара-заснавальніка Чандрагупты з царамі Нанда. Чандрагупта, вядомы грэчаскім аўтарам як Сандракот, спрабаваў прыцягнуць Аляксандра Македонскага на свой бок, але без поспеху, і пашыраў сваю дзяржаву без удзелу грэкаў.
Створаная Чандрагуптам імперыя Маур’яў была ў сталым кантакце з Селеўкідамі і грэка-бактрыйскім царствам.
Імперыя Маур’яў дасягнула найвышэйшага росквіту пры Ашоку, які падпарадкаваў велізарную тэрыторыю з насельніцтвам каля 40 000 000 чалавек (20 % ад агульна сусветнага) і распаўсюдзіў будызм.
Імперыя распалася праз 50 гадоў пасля смерці Ашокі ў выніку змовы Шунга, калі на частцы яе тэрыторыі пачала ўладарыць іншая дынастыя.