Адміністрацыйны падзел Эстоніі
From Wikipedia, the free encyclopedia
Эстонія дзеліцца на 15 паветаў (эст.: maakond — мааконд), іх узначальваюць старэйшыны (эст.: maavanem), прызначаныя ўрадам. Паветы ў сваю чаргу падзяляюцца на муніцыпалітэты двух тыпаў: гарады (эст.: linn) і воласці (эст.: vald).
Ёсць таксама тып муніцыпальнага ўтварэння пасялковая воласць (эст.: alevvald), у склад якой уваходзіць і ўтварае яе тэрыторыю толькі адзін пасёлак. У Эстоніі шэсць пасялковых воласцяў: Аэгвійду, Ярвакандзі, Кохтла-Ныме, Лавассаарэ, Тоатсі і Вяндра.
Станам на 2010 год у Эстоніі 227 муніцыпалітэтаў, іх узначальваюць валасныя старэйшыны (эст.: vallavanem) або мэры гарадоў (эст.: linnapea). Талін дзеліцца на ўнутрыгарадскія адміністрацыйна-тэрытарыяльныя адзінкі — часткі горада (эст.: linnaosa). Управу часткі горада ўзначальвае старэйшына часткі горада (эст.: linnaosavanem).