Хатні камп’ютар
From Wikipedia, the free encyclopedia
Хатні (бытавы) кам’ютар — камп’ютар, прызначаны для выкарыстання дома. Тэрмін побытавы ці хатні камп’ютар пазначае танны сегмент другога пакалення мікракамп’ютараў, якія з’явіліся на рынку ў 1977 годзе і атрымалі шырокае распаўсюджанне ў 1980-я гады. У адрозненні ад даражэйшых і мацнейшых машын, што звычайна зваліся прафесійнымі ці персанальнымі камп’ютарамі (калька з англамоўнага тэрміна Personal Computer), хатнія камп’ютары былі адметныя меншым коштам, больш сяброўскім інтэрфейсам да карыстальніка і зручнасцю канструкцыі.
![Thumb image](http://upload.wikimedia.org/wikipedia/commons/thumb/2/24/ZX80.jpg/640px-ZX80.jpg)
![Thumb image](http://upload.wikimedia.org/wikipedia/commons/thumb/3/39/CBMVIC20P8.jpg/640px-CBMVIC20P8.jpg)
![Thumb image](http://upload.wikimedia.org/wikipedia/commons/thumb/3/31/Sinclair_ZX81.jpg/640px-Sinclair_ZX81.jpg)
![Thumb image](http://upload.wikimedia.org/wikipedia/commons/thumb/4/4d/Sinclair_ZX_Spectrum.jpg/640px-Sinclair_ZX_Spectrum.jpg)
![Thumb image](http://upload.wikimedia.org/wikipedia/commons/thumb/9/9d/Commodore64.jpg/640px-Commodore64.jpg)
![Thumb image](http://upload.wikimedia.org/wikipedia/commons/thumb/6/6f/Computer_daewoo_cpc300e.jpg/640px-Computer_daewoo_cpc300e.jpg)
![Thumb image](http://upload.wikimedia.org/wikipedia/commons/thumb/d/d7/Atari_130XE_Reshot.jpg/640px-Atari_130XE_Reshot.jpg)
![Thumb image](http://upload.wikimedia.org/wikipedia/commons/thumb/6/68/Cpc464.computer.750pix.jpg/640px-Cpc464.computer.750pix.jpg)
![Thumb image](http://upload.wikimedia.org/wikipedia/commons/thumb/5/5c/Atari_ST_1040.jpg/320px-Atari_ST_1040.jpg)
Хатнія камп’ютары сталі шырока даступнымі, калі пачалася масавая вытворчасць мікрапрацэсараў, а таксама мікрасхем вялікай ступені інтэграцыі, што прывяло да рэзкага скарачэння памераў камп’ютараў і іх танненню. Гэта дазволіла выкарыстоўваць камп’ютары ў хатніх умовах. Калі раней, у сярэдзіне 70-х, мікракамп’ютары з’яўляліся не болей чым дарагімі і маламоцнымі цацкамі для прафесіяналаў і энтузіастаў, то пад канец дзесяцігоддзя наймацнейшыя экзэмпляры маглі канкураваць з таннымі міні-ЭВМ, стварыўшы сегмент прафесійных камп’ютараў (які ператварыўся потым у рабочыя станцыі), тады як самыя простыя канфігурацыі сталі даступныя коштам прыватнаму спажыўцу. У далейшым, у сувязі с ростам выкарыстання ў побытавай сферы IBM PC-сумяшчальных ПК (т.з. персанальных, першапачаткова даволі дарагіх і прэзентаваных IBM як прызначаныя для 100 % прафесійнага, пераважна офіснага ўжывання, але з развіццём тэхналогій яны значна патаннелі і сталі больш універсальнымі), тэрмін «бытавы (хатні) камп’ютар» быў выцеснены тэрмінам «персанальні камп’ютар» (ПК).