Рагачы́, грабеньчатавусыя (Lucanidae) — сямейства жукоў падатрада разнаедных.
Хуткія факты Навуковая класіфікацыя, Міжнародная навуковая назва ...
Рагачы |
Самец Lamprima aurata |
Навуковая класіфікацыя |
---|
прамежныя рангі
Надатрад: | Насякомыя з поўным метамарфозам | Інфраатрад: | Scarabaeiformia | Надсямейства: | Scarabaeoidea |
|
Міжнародная навуковая назва |
---|
Lucanidae Latreille, 1804
|
Тыпавы род |
---|
Lucanus
|
Падсямействы |
---|
- Aesalinae
- Lampriminae
- Lucaninae
- Nicaginae
- Penichrolucaninae
- Syndesinae
- †Protolucaninae
- †Ceruchitinae
|
|
Закрыць
Даўжыня да 11 см. Вусікі 10-членікавыя, каленчатыя, з грабеньчатай булавой. Верхнія сківіцы развітая, з зубцамі, у самцоў многіх відаў нагадваюць рогі (адсюль назва). Лапкі 5-членікавыя.
Налічваецца каля 1000 відаў. Найбольш шматлікія і разнастайныя ў трапічных лясах, жывуць на ствалах дрэў. На Беларусі сустракаюцца алянёк звычайны (Dorcus parallelipipedus), жук-насарог малы, або рагачык аднарогі (Sinodendron cylindricum), рагач сіні (Platycerus caraboides), рагачык сціплы (Ceruchus chrysomelinus), жук-алень (Lucanus cervus) — самы буйны з жукоў беларускай энтамафаўны (даўжынёй да 8,5 см).
Дарослыя кормяцца сокамі дрэў. Лічынкі з мясістым выгнутым целам, вялікай галавой; развіваюцца і кормяцца ў гнілых ствалах і каранях.