Faisal Iañ Irak
From Wikipedia, the free encyclopedia
Faisal I bin al-Husain bin Ali al-Hachemi (arabeg : فيصل بن الحسين بن علي الهاشمي' Faiṣal bin al-Ḥusain bin ‘Alī al-Hāchamī), bet ganet d'an 20 a viz Mae 1885 e Mekka (Impalaeriezh otoman, Arabia Saoudat hiziv) hag aet da Anaon d'an 8 a viz Gwengolo 1933 e Bern (Suis), a voe roue Rouantelezh arab Siria e 1920 ha roue Iraq adalek an 23 a viz Eost 1921 betek e varv. Mab e oa da Husain bin Ali, anezhañ cherif meur Mekka, hag en devoa embannet bout roue an Arabed e miz Here 1916.
| |||
Ar roue Faisal Iañ Irak (c. 1920) | |||
Ganedigezh | 20 a viz Mae 1885 (5 Cha'aban 1302 AH) Mekka Impalaeriezh otoman | ||
Marv | 8 a viz Gwengolo 1933 (18 Djoumala al-Oula 1352 AH) Bern Suis | ||
Tierniezh | Hachemited | ||
Tad | Husain bin Ali | ||
Mamm | Abdiya bint Abdoullah | ||
Pried | Houzaima bint Nasser | ||
Bugale | Ghazi | ||
Relijion | Islam sunnit | ||
Roue Iraq | |||
Ren | 23 a viz Eost 1921 8 a viz Gwengolo 1933 | ||
Kentad | Dalc'h milourel | ||
Warlerc'hiad | Ghazi I | ||
Roue Siria | |||
Ren | 8 a viz Meurzh 1920 24 a viz Gouere 1920 | ||
Kentad | Dalc'h milourel | ||
Warlerc'hiad | Unpenniezh torret |
Faisal bin al-Husain a vroudas ar vuzulmaned sunnit hag ar re chiit d'en em unaniñ evit staliañ eur Stad arab dizalc'h diouzh an Impalaeriezh otoman, enni Iraq, Siria hag ar peurrest eus ar Greskenn strujus (hiziv : Egipt, Iran ar c'hornôg, Israel, Jordania, Kiprenez, Liban ha Turkia ar Gevred).
E-pad e ren e strivas da envel en e velestradur tud eus pep poblad ha pep feiz, hogen en ur glask krouiñ ur vroadelouriezh arab e rankas lezel lod strolladoù relijiel a-gostez, pa ne oa ket Arabed anezho.