Agni (mitologia)
From Wikipedia, the free encyclopedia
Hinduismoan, Agni (sanskritoz: अग्नि, palieraz: Aggi, malaysieraz: Api, eusk: "sua"), suaren jainko vedikoa da. Indra eta Suryarekin batera, "hirutasun vedikoa" eratzen du (askoz antzinakoagoa, eta, ondoren, Brahma, Vishnu eta Shivak eratzen zutenagatik ordezkatua).
- Artikulu hau jainko hinduari buruzkoa da; beste esanahietarako, ikus «Agni (argipena)».
Agni (mitologia) | |
---|---|
hinduismo | |
Ezaugarriak | |
Sexua | gizonezkoa |
Baliokideak | Svarozhich (en) eta Kavyada (en) |
Familia | |
Aita | Brahma |
Ama | Sarasvati |
Agnidev, lurraren jainkosa den Prithivi eta Diaus Pitar (grezierazko Zeusen, latinezko Deusen eta Iu-piterren eta sanskritozko Diaus Pitarren (Jainko Aita) bihurtuko zen oso antzinako hitz indoeuroparraren aldaera dena) jainkoaren semea da. Agnideven betebeharretako bat, jainkoen eta pertsona hilkorren arteko mezularia izatea da. Gizakiak eta hauen etxeak babesten ditu. Bere buruan, milioi bat begi ditu.
Indiako artean, bi aurpegirekin irudikatzen da, bere eragin onuratsu eta kaltegarriak iradokitzen duena, begi eta ile beltzekin, hiru hanka eta zazpi beso parerekin. Bere gorputzetik, zazpi argi izpi ateratzen dira (bere beste izenetako bat Sapta Jihwa da, "zazpi mihi"). Bere garraiobidea, aker bat da, edo ahuntzek tiratutako koadriga bat (edo, ez hain ohi, papagaitxoek).
Gaur egun, tenplu hinduetan, oraindik agni manthana zulagailu sakratua erabiltzen da marruskatze bidez sua sortzeko, Agniren eguneroko jaiotza miraritsua irudikatzen duena.