Txikipedia:Errealismo (literatura)
From Wikipedia, the free encyclopedia
Errealismoa XIX. mendeko mugimendu edo joera literario bat da, errealitatea modu kritiko eta objektiboan irudikatu eta aztertu nahi zuena. Zentzu horretan, errealismoak idealismo erromantikoaren kontra egiten du.
Idazle errealistek beraien inguruan azaltzen ziren kontraesanak behatu eta errealitatea beraiek ikusten zuten bezala erakutsi nahi zuten. Horregatik, mugimendu erromantikoaren idealismoari uko egiten zioten, izan ere, inguruko errealitatean interesik ez zuen mugimendu egozentrikotzat hartzen zuten.
Eleberri edo nobela izan zen errealismo literarioko espresio zabalduena. Hala ere, ipuinetan, antzerkian eta poesian ere espresatu zen. Bere manifestazio guztietan, hizkuntza zuzena eta errealitatea gai gisa aldarrikatu zituen.
Literatura-errealismoaren jatorria Frantzian XIX. mendearen erdialdean kokatu daiteke. Hortik Mendebaldeko Europara eta Amerikara hedatu zen. Herrialde horietako batzuk honako hauek dira: Ingalaterra, Errusia, Espainia, Portugal, Alemania eta Estatu Batuak.