Txikipedia:Nazionalsozialismo
From Wikipedia, the free encyclopedia
Nazionalsozialismoa edo nazismoa Alemanian 1919. urtetik aurrera sortu zen ideologia politikoa da. Ideologia horrek bultzatu zuen Adolf Hitlerren diktadura, 1933tik 1945era arte. Garai hartako Alemania Alemania nazia izenarekin ere ezagutzen da.
![Thumb image](http://upload.wikimedia.org/wikipedia/commons/thumb/6/62/WWII%2C_Europe%2C_Germany%2C_%22Nazi_Hierarchy%2C_Hitler%2C_Goering%2C_Goebbels%2C_Hess%22%2C_The_Desperate_Years_p143_-_NARA_-_196509.jpg/640px-WWII%2C_Europe%2C_Germany%2C_%22Nazi_Hierarchy%2C_Hitler%2C_Goering%2C_Goebbels%2C_Hess%22%2C_The_Desperate_Years_p143_-_NARA_-_196509.jpg)
Alemaniako Alderdi Nazia 1919. urtean sortu zen, Alemaniako Langile Alderdia izenarekin. Haren helburua Alemaniako langile klasea bere alde jartzea zen. Langile klasea egoera ekonomiko txarrean zegoen Lehen Mundu Gerran Alemaniak galdu zuenetik. Hala ere, alderdia eskuin muturrekoa eta antikomunista zen eta demokrazia liberalaren zein hauteskunde libreen aurka zegoen.