Txikipedia:Zirkulu polar artikoa
From Wikipedia, the free encyclopedia
Zirkulu polar artikoa Lurreko Ipar Poloaren inguruko lur-eremua da. Geografiaren arabera esanda, Lurrean bereizten ditugun bost paraleloetako bat da, zehazki latituderik altuenean dagoena; ipar hemisferioan dago, 66.5° Ipar latitudean.
Zirkulu Polar Artikoak hainbat herrialde zeharkatzen ditu: Norvegia, Suedia, Finlandia, Errusia, Kanada, Groenlandia eta Ameriketako Estatu Batuetako Alaska estatua.
Latitude zirkulu horren gainetik badago oraindik ere ipar hemisferioan bizi den jendea, eta leku askotan oraindik ere landare ezberdin asko daude, baita zuhaitzak ere. Beste eremu batzuk, Groenlandia esaterako, elurrez eta izotzez estalita daude urte osoan.