Masse atomiche
From Wikipedia, the free encyclopedia
La masse atomiche (clamade ancje pês atomic pe confusion tal lengaç comun tra lis peraulis "pês" e "masse") di un isotop di un element chimic e je la masse di un atom di chel isotop, esprimût in unitâts di masse atomiche, (uma), che a si fondin sul isotop Carboni-12, che al à par convenzion un pês atomic di 12. Il pês atomic di un element chimic al ven definît come il pês medi dei siei isotops, tignint ancje cont di trop che i isotops a son presints in nature, in mût di belançâ il calcul.
Par esempli, si pues calcolâ la masse atomiche dal liti partint dai dâts ca sot;
- Il liti al à doi isotops stabii;
- Il Li-6 (7,59% di presince in nature) cun masse atomiche 6,015 uma
- Il Li-7 (92,41% di presince in nature) cun masse atomiche 7,016 uma
- Duncje il calcul al sarà chest:
- Il valôr che al ven fûr, 6,94 uma, e je la masse atomiche dal Liti, e ae fin e je avonde dongje di chê dal isotop Li-7, parcè che al è chel plui abondant in nature (su 100 atoms che si cjatin in nature, 92 a son difat di Li-7).
Une definizion simil si apliche ancje a lis moleculis, cjapant il non di masse moleculâr. Si pues calcolâ la masse molecolâr di un component sumant lis massis dai atoms che la componin, tignint cont des corrispondintis moltiplicazions. Cheste tecniche no ten cont de energjie chimiche di leam, che e je però par solit trascurabil.