Scuvierte des Americhis
From Wikipedia, the free encyclopedia
Cun la peraule Scuvierte des Americhis si intint le colonizazion dal gnûf continent de bande di stâts come la Spagne, France, Portugal, Olande e Ream Unît.
La motivazion principâl e jere di puartâ le civiltât e le religjon cristiane, ma la colonizazion e fo soredut le distruzion culturâl e ancje, in cierts câs, fisiche des popolazions locâls. Si pues ancje dî che le scuvierte des Americhis e finìs cul periodi di ducj cognossût cul non di Far West.
Ma bisugne dî che chescj stâts no son stâs di sigûr i prins a meti pît te tiere americane: si sa che i prins a meti pît in Americhe a forin lis popolazions vignudis de Siberie a pît passant il Stret di Bering tal periodi de ultime glaciazion. Cence dismenteâsi dai Vichincs, partîts de Scandinavie e rivâts fin ae Tieregnove, tal Canadà di vuê, a prin colp clamât Vinland, al sarès a dî tiere dal vin. Al sarès pui just fevelâ di Concuiste des Americhis, soredut tignint cont des violencis dai Conquistadores (concuistadôrs) vignûts de Spagne e de colonizazion de bande dai inglês dal Nordameriche.