El cor de la ciutat
telenovela de Televisió de Catalunya / From Wikipedia, the free encyclopedia
El cor de la ciutat (O corazón da cidade en catalán) foi unha telenovela producida e emitida por Televisió de Catalunya, que se emitiu por TV3 durante dez temporadas entre o 11 de setembro de 2000 e o 23 de decembro de 2009. A serie tiña como obxectivo explicar o día a día dos veciños do barrio barcelonés de Sant Andreu de Palomar (agás unha tempada na que se centrou no barrio de Sants); historias cotiás identificables en calquera lugar da sociedade catalá.
Formato | Telenovela |
---|---|
Creado por | Jordi Galceran Lluís Arcarazo |
País de orixe | España |
Episodios | 1906 |
Duración | 25-30 min |
Canle de orixe | TV3 |
Primeiro episodio | 11 de setembro de 2000 |
Derradeiro episodio | 23 de decembro de 2009 |
Na rede | |
http://www.tv3.cat/elcordelaciutat | |
[ editar datos en Wikidata ] |
Emitíronse nove tempadas completas e unha décima de tres meses, superando a cifra dos 1.900 capítulos, o que a converte na serie máis longa da historia de Televisió de Catalunya. Tamén foi a máis vista, chegando a puntas de 800.000 espectadores (case o 50% da cota de pantalla en Cataluña) e superando o millón de espectadores nos seus capítulos especiais de final de tempada, de maior duración que o habitual, e que ían seguidos dunha gala chamada La nit del cor.