Táo mbo'e
jepokuaa ha jeroviapy Chína arandupykuaatýgui / From Wikipedia, the free encyclopedia
Táo mbo'e térã taoísmo ha'e jepokuaa arandupykuaaty ha jeroviapy rehegua oúva Chína pegua ha he'íva jajokupyty va'erã jaikovévo táo ndive (he'iséva ‘tape’).
Ko táo ha'e temimo'ã mba'eguasuitéva heta mbo'epýpe oúva Chína arandupykuaatýgui; jepémo, ápe táo mbo'épe ha'e upe omboheko peteĩva opa mba'e, ikatu oñemoambuéva, ojapóva teko añeteguaitéva ha omoheñóiva arapy ha opa mba'e oĩva.[1] Upéicha, umi ogueroviáva táo mbo'ére he'i ko táo ha'eha opa mba'e oĩva heñoiha ha hekopy.[2][3]
Aranduka hérava Tao Te King térã Tao Te Ching ha'e oĩhápe opa umi mbo'epy oikuaauka karai arandu Lao-Tse.[4] Jepémo ndaikatúi jaikuaaporãite oiko añetetépa ko karai, ko aranduka katu ojehechakuaa mba'eguasuite ramo táo mbo'épe.[5]
Umi ñemomba'epy tekoporã rehegua ko táo mbo'e oikuaaukáva ikatu iñambue, hákatu oñemombyte umi «Mbohapy Mba'e Momorãmby»: 慈 «poriahuvereko», 儉 «jejapo'ỹ», ha 不敢為天下先 «ñemomirĩ».
Ko ára oje'e oĩha amo 173 sua ogueroviáva táo mbo'ére.[6]