Pobblaght y Taiwaan (1895)
From Wikipedia, the free encyclopedia
Va Pobblaght y Taiwaan (Sheenish hradishoonagh: 臺灣民主國; Sheenish aashagh: 台湾民主国; pinyin: Táiwān Mínzhǔguó; fockle er fockle "Pobblaght Gheynlagh y Taiwaan"; ennym elley: Pobblaght Formosa) ny pobblaght ghiare-heillagh v'er mayrn er ellan y Taiwaan 'sy vlein 1895, eddyr coyrt seose formoil ny Taiwaan liorish Reeraghtys Qing y Çheen dys Impiraght y Çhapaan rere Conaant Shimonoseki as çheet ny sidooryn Shapaanagh as goaill pooar ard-chioneys Shapaanagh. Ny keayrtyn ta screeudeyryn shennaghys ny politickeyryn ennagh gra dy row ee ny chied phobblaght 'syn Aishey va fogrit magh. Ansherbee, va Pobblaght Lanfang ayn roish, as ee currit er bun 'sy vlein 1777.
- Ny jean jarrood eddyr y phobblaght henndeeagh shoh as y phobblaght noa-emshyragh gyn enney, "Pobblaght y Taiwaan".
Pobblaght Formosa 台灣民主國 | |||||
| |||||
| |||||
Preeu-valley | Taipei (scughit dys Tainan | ||||
Çhengaghyn | Mandareenish, Taiwaanish, Hakka, çhengaghyn Formosagh | ||||
Reiltys | Pobblaght | ||||
Eaghtyrane | |||||
- Boaldyn 1895 - M. Souree 1895 | Tang Ching-sung | ||||
- M. Souree 1895 - J. Fouyir 1895 | Liu Yung-fu | ||||
Eash shendeeagh | Impiroilaghys Noa | ||||
- Fogrit magh | 24 Boaldyn, 1895 | ||||
- Goit | 23 Jerrey Fouyir, 1895 | ||||
Earroo yn phobble | |||||
- 1895 ool. | 2,980,000 | ||||
Argid | Tael Qing | ||||
Va'n phobblaght fogrit magh liorish ard-oikyn er çheu Qing as olteynyn y sleih ooasley ynnydagh. Heill ad nagh jig ny Shapaanee my vel pobblaght noa ayn. Daag mooarane jeh ny fir oikagh yn ellan ny yei yn ruegys Shapaanagh er yn ellan.