Jiří Rusnok
čěski ekonom a politikar; ministerski prezident / From Wikipedia, the free encyclopedia
Jiří Rusnok (* 16. oktobra 1960 w Ostrawje) je čěski politikar a ekonom, kiž bě wot 25. junija 2013 hač do 29. januara 2014 z ministerskim prezidentom Českeje republiki.
Hižo wot apryla 2001 bě jako finančny minister w kabineće premiera Miloša Zemana čłon čěskeho knježerstwa. W socialdemokratiskim knježerstwje Vladimíra Špidle bě tehdyši čłon socialdemokratiskeje strony ČSSD hač do měrca 2003 minister za industriju a wikowanje.
Po wotstupje premiera Petra Nečasa bu wot prezidenta Zemana za noweho šefa knježerstwa powołany, z wotpohladom na bórzomniše nowowólby. Po wólbach społnomócni Zeman Bohuslava Sobotki z wutworjenjom noweho knježerstwa.
Wot 2016 do 2022 bě Rusnok guwerner narodneje banki Čěskeje.