From Wikipedia, the free encyclopedia
Զահրատ (իսկական անուն ազգանունը՝ Զարեհ Յալտըզճյան, մայիսի 10, 1924, Կոստանդնուպոլիս - փետրվարի 20, 2007 կամ փետրվարի 21, 2007[1], Ստամբուլ, Թուրքիա), հայ բանաստեղծ։
Զահրատ | |
---|---|
Պատկեր:.jpg | |
Ծննդյան անուն | Զարեհ Յալտըզճյան |
Ծնվել է | 1924 մայիսի 10 |
Ծննդավայր | Կոստանդնուպոլիս |
Վախճանվել է | փետրվարի 20, 2007 82) | (տարիքը
Վախճանի վայր | Ստամբուլ |
Գերեզման | Շիշլիի գերեզմանատուն |
Մասնագիտություն | բանաստեղծ, բժիշկ-գրող և գրող |
Լեզու | հայերեն |
Ազգություն | հայ |
Քաղաքացիություն | Թուրքիա |
Կրթություն | Պանգալտիի մասնավոր հայկական դպրոց |
Զահրատ Վիքիդարանում |
Զահրատը ծնվել է 1924թ. մայիսի 10-ին Կոստանդնուպոլսի Նշանթաշ թաղամասում։ 3 տարեկան էր, երբ մեռնում է հայրը, իսկ քսանամյա մայրը կրկին ամուսնանում է։ Նրան խնամել է մորական պապը` Հաճի Լևոնը[2]։ 1942 թվականին ավարտել է Կ. Պոլսի Մխիթարյանի լիցեյը և ուսումը շարունակել Ստամբուլի պետական համալսարանի դեղագործական և բժշկական ֆակուլտետներում, որոնք կիսատ է թողել։ Աշխատակցել է պոլսահայ թերթերին, հանդեսներին, եղել «Մարմարա» օրաթերթի գրականության բաժնի վարիչ, «Սան» պարբերականի խմբագիր։
1963 թվականին ամուսնացել է Անաիս Անդրեասյանի հետ։
Առաջին բանաստեղծությունները լույս են տեսել 1943 թվին։ Հաջորդաբար լույս է ընծայել «Մեծ քաղաքը» (1960), «Գունավոր սահմաններ», «Բարի երկինք», «Բանաստեղծություններ», «Ծայրը ծայրին» և այլ ժողովածուներ։ Հայաստանում լույս են տեսել «Մեծ քաղաքը» (1978), «Առանց քարի, առանց խաչի խաչքար» (1998) և «Բառերուն տակի քերթվածը» (2004) ժողովածուները։ Զահրատի բանաստեղծություններին բնորոշ են մեծ քաղաքում ապրող «փոքր» մարդու ողբերգականությունը, թեմաների բազմազանությունը, թարմ արտահայտչաձևերի յուրօրինակությունը։
Զահրատի առանձին գրքեր թարգմանվել են անգլերեն, ֆրանսերեն, հունարեն, լիտվերեն[3]։
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.