From Wikipedia, the free encyclopedia
Իրաքյան Քուրդիստանի անկախության հանրաքվե, 2017 թվականի սեպտեմբերի 25-ին նախատեսված հանրաքվե[1][2]։ Ի սկզբանե նախատեսվում էր անցկացնել հանրաքվեն 2014 թվականին, սակայն Քուրդիստանի տարածաշրջանային կառավարության և Իրաքի դաշնային կառավարության միջև վիճաբանության ֆոնին հանրաքվեն հետաձգվել է, իսկ 2014 թվականին կազմակերպել են ուղղակի ոչ պաշտոնական հարցում-հանրաքվե[3]։ Քրդերի համար անկախության նոր պայքարի խթան է հանդիսացել Իսլամական պետության ներխուժումն հյուսիսային Իրաքի տարածք, որի արդյունքում պաշտոնական Բաղդադի զինված ուժերը լքել են հյուսիսային որոշ տարածքներ, որոնք էլ իրենց հերթին զբաղեցրել է փեշմերգան և այդպիսով այդ տարածքները այսօր փաստացի վերահսկում են քրդերը։
Հանրաքվեն մի քայնի անգամ նախագծվել է և մի քանի անգամ հետաձգվել[4][5], քանի որ Մոսուլի ազատագրման գործում քրդական ուժերը համագործակցել են Իրաքի կենտրոնական կառավարության հետ, սակայն արդեն 2017 ապրիլին պարզ դարձավ, որ հնարավոր շուտով իրականցնել հանրաքվեն[6]։ 2017 թվականի հունիսի 7-ին նախագահ Մասուդ Բարզանին հանդիպել է Քուրդիստանի ժողովրդավարական կուսակցության, Քուրդիստանի հայրենասիրական միության, Քուրդիստանի իսլամական միության, Քուրդիստանի իսլամական շարժման, Քուրդիստանի կոմունիստական կուսակցության, Քուրդիստանի կոմունիստների կուսակցության, Քուրդիստանի աշխատավորների և բանվորների կուսակցության, Քուրդիստանի զարգացման և բարեփոխումների կուսակցության, Էրբիլի թուրքմենական ցուցակի, Իրաքի թուրքմենական ճակատի, Թուրքմենստանի զարգացման կուսակցության, Քուրդիստանի խորհրդարանի հայկական ցուցակի, Ասորական ժողովրդավարական շարժման և Ասորական խալդեական ժողովրդական խորհրդի ներկայացուցիչների հետ, որտեղ քրդերը հաստաել են հանրաքվեի անցկացման ժամանակը՝ 2017 թվականի սեպտեմբերի 25[7]։ 2017 թվականի հուլիսի 10-ին Իրաքի կառավարությունը հայտարարել է Մոսուլում Իսլամական պետության նկատմամբ հաղթանակի մասին։
Քուրդիստանի տարածաշրջանի խորհրդարանում ներկայացված կուսակցություններ | |||||||
---|---|---|---|---|---|---|---|
Choice | Կուսակցություն | Մանդատներ | Առաջնորդ | Քաղաքական դիրքորոշում | Ծան. | ||
Այո | ՔԺԿ (KDP) | Քուրդիստանի ժողովրդավարական կուսակցություն | 38 | Մասուդ Բարզանի | Մեծ վրան (համընդհանուր կուսակցություն) | [8] | |
ՔՀՄ (PUK) | Քուրդիստանի հայրենասիրական միություն | 18 | Ջալալ Թալաբանի | Կենտրոն-ձախաթևյան | [9] | ||
ՔԻՄ (KIU) | Քուրդիստանի իսլամական միություն | 10 | Սալահադդին Բահաեդդին | Աջաթևյան | [10] | ||
ՔՍԺԿ (KSDP) | Քուրդիստանի սոցիալիստական ժողովրդավարական կուսակցություն | 1 | Մոհամեդ Հաջի Մահմուդ | Կենտրոն-ձախաթևյան | [11] | ||
ՔԿԿ (KCP) | Իրաքյան Քուրդիստանի կոմունիստական կուսակցություն | 1 | Քամալ Շաքիր | Կոմունիզմ | [12] | ||
ՔԱԿ (KTP) | Քուրդիստանի աշխատավորների կուսակցություն | 1 | Բալեն Մահմուդ | Ձախաթևյան | [13] | ||
ՔԻՇ (KIM) | Քուրդիստանի իսլամական շարժում | 1 | Էրֆան Ալի Աբդուլազիզ | Աջաթևյան | [13] | ||
ԹԶՑ (TDL) | Թուրքմենների զարգացման ցուցակ | 2 | Մոհամմադ Սադադդին | Փոքրամասնության իրավունքներ | [14] | ||
ԷԹՑ (ETL) | Էրբիլի թուրքմենական ցուցակ | 1 | Փոքրամասնության իրավունքներ | [13] | |||
Ոչ | Գորրան (Gorran) | Գորրան շարժում | 24 | Օմար Սաիդ Ալի | Կենտրոն-ձախաթևյան | [15] | |
ԻԹՃ (ITF) | Իրաքի թուրքմենների ճակատ (Աջակցելու է հանրաքվեի անցկացմանը, եթե կատարվեն մի շարք պայմաններ)[16] | 1 | Էրշադ Սալիհի | Փոքրամասնության իրավունքներ | [17] | ||
ԱԺՇ (ADM) | Ասորական ժողովրդավարական շարժում (Դեմ Նինվեի հարթավայրում հանրաքվեի անցկացմանը) | 2 | Յունադամ Քաննա | Փոքրամասնության իրավունքներ | [18] |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.