Կոլայի թերակղզի

Կոլայի թերակղզի^[1] (ռուս.՝ Кольский полуостров), Ռուսաստանի եվրոպական մասի ծայր հյուսիս-արևմուտքում, Մուրմանսկի մարզում։ Ողողվում է Բարենցի և Սպիտակ ծովերով։

Կոլայի թերակղզի Кольский полуостров
Կոորդինատներ
67°28′08″ հս․. լ. 37°24′40″ ավ. ե.HGЯOL
Ողողող ջրեր	Սպիտակ ծով Բարենցի ծով
Ընդհանուր մակերեսը	~100 000 կմ²
Երկիր	Ռուսաստան
Վարչատարածքային բաժանում	Մուրմանսկի մարզ
Կոլայի թերակղզու արբանյակային լուսանկար
Կոլայի թերակղզի (Ռուսաստան)
	Վիքիպահեստում

Տարածությունը՝ մոտ 100 հզ. կմ²։ Արևմուտքում են գտնվում Խիբինի և Լովոզերյան տունդրայի լեռնազանգվածները (մինչև 1120 մ բարձրությամբ), կենտրոնական մասում՝ Կեյվիշրբաժան բլրաշարը (մինչև 397 մ)։

Անվանում

Ռուսերեն անվան հայերեն պատճենումն է։ Անվանումն առաջացել է Կոլա գետից․ ուգրո-ֆիննական լեզուներում կուլ (կոլ) հիմքը նշանակում է «ձուկ», այսինքն՝ «ձկնորսական թերակղզի»^[2]։

Աշխարհագրություն

Կլիման համեմատաբար մեղմ է։ Հունվարի միջին ջերմաստիճանը —8°-ից — 13 °C է, հուլիսինը՝ 8°-ից 14 °C։ Հարուստ է սահանքավոր գետերով։

Խոշոր լճերից են Իմանդրան, Ումբոզերոն, Լովոզերոն։ Գլխավոր քաղաքը և նավահանգիստը Մուրմանսկն է։

Աղբյուրներ

1. Հովհաննես Բարսեղյան (2006). «Աշխարհագրական անունների հայերեն տառադարձության մասին որոշում». Տերմինաբանական և ուղղագրական տեղեկատու. Երևան: 9-րդ հրաշալիք. էջ 51. ISBN 99941-56-03-9.
2. Հ. Ղ. Գրգեարյան, Ն. Մ. Հարությունյան (1987). Աշխարհագրական անունների բառարան. Երևան: «Լույս».

Վիքիպահեստն ունի նյութեր, որոնք վերաբերում են «Կոլայի թերակղզի» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 508)։