Ղոմի նահանգ

Ղոմ օսթան (պարս.՝ استان قم), օսթան (նահանգ) Իրանի Իսլամական Հանրապետութան կենտրոնական մասում, Իրանի 31 օսթաններից մեկը։ Հյուսիսից սահմանակից է Թեհրան, արևելքից` Սեմնան, հարավից` Սպահան, արևմուտքից` Մարքազի (կենտրոնական) օսթաններին։ Օսթանի տարածքը կազմում է 11 526 կմ², բնակչությունը վերջին մարդահամարի տվյալներով` ▲1 292 283 մարդ (2016)^[1]։ Վարչական կենտրոնը Ղոմ քաղաքն է։

Ղոմ օսթան պարս.՝ استان قم
Երկիր	Իրան
Կարգավիճակ	օսթան (նահանգ)
Մտնում է	Իրան
Վարչկենտրոն	Ղոմ
Բնակչություն	▲1 292 283 մարդ (2016)[1]
Տարածք	11 526 կմ²[2]
Սահմանակցում է	Սպահանի նահանգ, Սեմնան, Կենտրոնական նահանգ և Թեհրանի նահանգ
Ժամային գոտի	UTC+3:30
ISO 3166-2 կոդ	IR-25
Հեռախոսային կոդ	025
qomict.ir
Ղոմի նահանգ Վիքիպահեստում

Օսթանը ձևավորվել է 1995 թվականին՝ Թեհրան օսթանի հարավային շրջանների անջատման արդյունքում^[3]։ 2014 թվականից օսթանը մասն է կազմում Իրանի 1-ին տարածաշրջանի^[4], որի կենտրոնն է Թեհրանը։

Աշխարհագրություն

Կլիման անապատային է և կիսաանապատային։ Տեղումների քանակը սակավ է։ Շրջանը բարենպաստ չէ գյուղատնտեսության համար, հատկապես աղի լճերի մերձակայքում։ Շրջանում կա երկու խոշոր աղի լիճ` Հաուզե Սուլթան և Նամաք։

Բնակչություն

2006 թվականի մարդահամարի տվյալներով օսթանի բնակչությունը կազմում էր 1 036 714 մարդ` 262 313 տնային տնտեսություններում<sup>[5]</sup>։ 2011 թվականի մարդահամարը հաշվառել էր 1 151 672, որոնք ապրում էին 320 977 տնտեսություններում<sup>[6]</sup>։ Ըստ վերջին` 2016 թվականի մարդահամարի տվյալների` բնակչությունը կազմում էր արդեն 1 292 283 մարդ` 383 532 տնտեսություններում^[7]։

Տասը հազարից ավել բնակչություն ունեցող քաղաքներն են Ղոմը (բնակչությունը 2016 թվականի դրությամբ` 1 201 158 մարդ) և Ղանավաթը (11 667 մարդ)^[8]։ Ընդհանուր առմամբ 2016 թվականի դրությամբ քաղաքներում ապրում էր 1 229 964 մարդ կամ օսթանի բնակչության 95,2%-ը^[7]։

Վարչական բաժանում

Ղոմ օսթանը բաժանված է 3 շահրեստանների (գավառների).

Ղոմ օսթանի շահրեստանները

Շահրեստան	Բնակ. 2006[5]	Բնակ. 2011[6]	Բնակ. 2016[7]	Վարչ. կենտրոն
Ղոմ շահրեստան	1 036 714	1,151 672	1 292 283	Ղոմ
Ջաֆարաբադ շահրեստան1	—	—	—	Ջաֆարիե
Քահաք շահրեստան1	—	—	—	Քահաք
Ընդհանուր	1,036,714	1 151 672	1 292 283
1Առանձնացվել է Ղոմ շահրեստանից

Ծանոթագրություններ

1. جمعیت به تفکیک تقسیمات کشوری (перс.) — 1965.
2. https://www.amar.org.ir/english/Iran-at-a-glance/Qom
3. Iran Provinces
4. «استان‌های کشور به ۵ منطقه تقسیم شدند». همشهری آنلاین (պարսկերեն). 2014 թ․ հունիսի 22. Վերցված է 2022 թ․ հունիսի 27-ին.
5. «Իրանի Իսլամական Հանրապետության մարդահամար, 1385 (2006)» (պարսկերեն). Արխիվացված է օրիգինալից (Excel) 2011 թ. սեպտեմբերի 20-ին. Վերցված է 2022 թ. սեպտեմբերի 25-ին.
6. «Իրանի Իսլամական Հանրապետության մարդահամար, 1390 (2011)» (Excel) (պարսկերեն). Վերցված է 2022 թ. դեկտեմբերի 19-ին.
7. «Իրանի Իսլամական Հանրապետության մարդահամար, 1395 (2016)» (պարսկերեն). Արխիվացված է օրիգինալից (Excel) 2021 թ. հունվարի 11-ին. Վերցված է 2022 թ. դեկտեմբերի 19-ին.
8. Իրանի քաղաքների բնակչությունն ըստ մարդահամարների արդյունքների (անգլ.)

Վիքիպահեստն ունի նյութեր, որոնք վերաբերում են «Ղոմի նահանգ» հոդվածին։