Մադինա (Յասրիբ)

Մադինա (արաբ․՝ المدينة المنورة‎‎՝ ալ-մադինա ալ-մունաուառա՝ «լուսավորյալ քաղաք»), նախաիսլամական շրջանում՝ Յասրիբ (արաբ․՝ يثريب‎‎), քաղաք Սաուդյան Արաբիայում՝ Մեքքայից 350 կմ հյուսիս։

Անվան այլ կիրառումների համար տե՛ս՝ Մադինա (այլ կիրառումներ)

Քաղաք
Մադինա
المدينة المنورة
Երկիր	Սաուդյան Արաբիա
Համայնք	Medina Province?
Հիմնադրված է	մ.թ.ա. 9-րդ դար թ.
Այլ անվանումներ	Յասրիբ
Մակերես	589 կմ²
ԲԾՄ	608 մ
Բնակչություն	1 102 728 մարդ (2010)
Ժամային գոտի	UTC+3
Պաշտոնական կայք	amana-md.gov.sa​(արաբ.)
Մադինա (Յասրիբ) (м)
Մադինա Վիքիպահեստում

Մադինան հյուսիսից հարավ ձգված մի օազիս է, որը ունի 4.5-5 կմ լայնություն, 10-11 կմ երկարություն։ Քաղաքը շրջապատում են 3 վադիներ, որոնք միանում են Իդամ, այժմ՝ ալ-Համդ վադիի մեջ։ Օազիսը ավելի տեղումնառատ է, քան Մեքքան։ Բացի այդ, կան ջրհորներ, երկրի մակերևույթին մոտ են ստորերկրյա ջրերը։ Ջրի առկայության շնորհիվ նպաստավոր պայմաններ են ստեղծվել երկրագործության զարգացման համար. Մադինան եղել և մնում է Հիջազի երկրագործության խոշորագույն կենտրոնը՝ շուրջ 2000 հա։

Ավտոճանապարհներով կապված է Յանբո, Ջիդդա նավահանգիստների և Մեքքայի հետ։ Բնակիչները զբաղվում են առևտրով, ուխտագնացներին սպասարկելով, պաշտամունքի առարկաների պատրաստումով, արմավենու, բանջարեղենի մշակությամբ։

622 թվականին իսլամի հիմնադիր Մուհամմադը Մեքքայից եկել վերաբնակվել է այստեղ, ստեղծել մուսուլմանական համայնք։ 7-րդ դարից Մադինան իսլամի 2-րդ սրբազան քաղաքն է (Մեքքայից հետո)։ Մեդինայում է Մուհամմադի գերեզմանը։ Ունի մեծ մզկիթ։

Վիքիպահեստն ունի նյութեր, որոնք վերաբերում են «Մադինա (Յասրիբ)» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 375)։