հայ դերասան From Wikipedia, the free encyclopedia
Վարդուհի Կարապետի Վարդերեսյան (մարտի 19, 1928, Բուխարեստ, Ռումինիա - նոյեմբերի 24, 2015[1], Երևան, Հայաստան[2]), հայ դերասանուհի, ՀԽՍՀ և ԽՍՀՄ ժողովրդական արտիստ։
Վարդուհի Վարդերեսյան | |
---|---|
Ծնվել է | մարտի 19, 1928 |
Ծննդավայր | Բուխարեստ, Ռումինիա |
Մահացել է | նոյեմբերի 24, 2015[1] (87 տարեկան) |
Մահվան վայր | Երևան, Հայաստան |
Գերեզման | Կոմիտասի անվան զբոսայգու պանթեոն |
Քաղաքացիություն | Ռումինիայի թագավորություն, ԽՍՀՄ և Հայաստան |
Մասնագիտություն | դերասանուհի |
Ամուսին(ներ) | Գևորգ Աբաջյան |
Պարգևներ և մրցանակներ | |
Ծնվել է 1928 թվականի մարտի 19-ին, Ռումինիայի մայրաքաղաք Բուխարեստում։ Դերասան, թատերագետ Գևորգ Աբաջյանի կինն է։ 1946 թվականին տեղափոխվել է Հայաստան։ Առաջին բեմելը եղել է Նուբարաշենի ինքնագործ թատրոնում։ 1947 թվականին ընդունվել է Լենինականի դրամատիկական թատրոնին կից ստուդիա և նույն թվականից խաղացել է թատրոնում։ 1958 թվականից տեղափոխվել է Երևանի Սունդուկյանի անվան թատրոն։ Կերտել է բազմաթիվ դերեր թատրոնում՝ Շիրվանզադեի «Պատվի համար»՝ Մարգարիտ, Չեխովի «Բալենու այգի»՝ Ռանևսկայա, Դյուրենմաթի «Ծեր տիկնոջ այցը»՝ Քլերի Ցախնասյան, Սարոյանի «Իմ սիրտը լեռներում»՝ Ջոնի, Շանթի «Հին աստվածներ»՝ Իշխանուհի և այլն։ Խաղացել է նաև արևմտահայ դերերում՝ «Պաղդասար աղբար»՝ Անույշ և այլն։ Նկարահանվել է «Պատվի համար», «Մոր սիրտը», «Ճանապարհ դեպի կրկես», «Հայրիկ», «Կարինե» և այլ ֆիլմերում։ Հայաստանի Ազգային ռադիոյի ոսկե ֆոնդում ունի ավելի քան 100 ձայնագրություն։ 1958 թվականից նկարահանվել է հեռուստաներկայացումներում, ի դեպ՝ եղել է առաջին հեռուստաներկայացման դերասանուհիներից։ 1985 թվականին հրավիրվել է Սիրիայի Հալեպ քաղաքի «Ադամյան» թատրոն, որտեղ արժանացել է ոսկե մեդալի։ Ստացել է բազմաթիվ պետական բարձրագույն պատվոգրեր, մրցանակներ, շնորհակալագրեր։ 1965 թվականին արժանացել է ՀԽՍՀ, 1988 թվականին՝ ԽՍՀՄ ժողովրդական արտիստի կոչմանը։ 1995 թվականին պարգևատրվել է ՀՀ Մովսես Խորենացու մեդալով, 2001 թվականին՝ Երևանի պատվավոր քաղաքացու կոչումով, 2013 թվականին՝ Սուրբ Մեսրոպ Մաշտոցի շքանշանով[3]։
Տարի | Ֆիլմ | Դեր |
---|---|---|
1955 | Հասցեատիրոջ որոնումները | Արևիկ |
1956 | Պատվի համար | Մարգարիտ Էլիզբարովա |
1957 | Մոր սիրտը | Մարիամ |
1959 | Թռիչք անդունդի վրայով | Գայանե |
1960 | Հյուսիսային ծիածան | Նունե |
1962 | Քայլեր | գլխավոր դեր |
1963 | Ճանապարհ դեպի կրկես | Մարո |
1964 | Մսյո Ժակը և ուրիշները | Զարուհի |
1967 | Կարինե | փաստաբանի կինը |
1969 | Մորգանի խնամին | Մագթաղ |
1970 | Միջնորդ տեր-պապան | Փեփրոնիա |
1972 | Հայրիկ | Նվարդ, Հովսեփի կինը |
1973 | Մհերի արձակուրդային արկածները | |
1979 | Երկնագույն առյուծ | Անթառամ |
1984 | Ջոն արքա (ֆիլմ-ներկայացում) | թագուհի Էլեոնորա |
2002 | Ճանապարհորդություն |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.