Romanisasion ti Hapon
From Wikipedia, the free encyclopedia
Ti romanisasion ti Hapon ket ti panangipakat ti sinuratan a Latin iti panagsurat ti pagsasao a Hapon. Daytoy a pamay-an ket sagpaminsan a makunkuna iti Ingles a kas rōmaji (ローマ字, literal a "letletra a romano") (Panangibalikas a Hapon: [ɽóːmadʑi] listen (tulong·pakaammo)), kadawyan a naisurat iti romaji, sagpaminsan a saan a husto a naitranliterado nga agraman iti n ken/wenno u a kas ti roumaji, romanji, kdpy. Adda dagiti nadumaduma a sistema ti romanisasion. Dagiti tallo a kangrunaan ket ti romanisasion ti Hepburn, Kunrei-shiki Rōmaji (ISO 3602), ken Nihon-shiki Rōmaji (ISO 3602 Strict). Dagiti karuay ti sistema ti Hepburn ket isu ti kaaduan a maus-usar.