Frelsarakirkjan
From Wikipedia, the free encyclopedia
Frelsarakirkjan (danska: Vor Frelsers Kirke) er barokkkirkja í Kristjánshöfn í Kaupmannahöfn. Hún er einna helst þekkt fyrir turnspíru sína en hún er spírallaga og er utan á henni stigi svo hægt er að klífa hana upp í topp. Þaðan er stórfenglegt útsýni yfir miðborg Kaupmannahafnar. Kirkjan er einnig þekkt fyrir klukknaspil sitt en það er það stærsta í Norður-Evrópu og leikur það lög á heila tímanum frá átta á morgnana til miðnættis.