Somali tili
From Wikipedia, the free encyclopedia
Somali tili (óz atı: Soomaaliga, Af-Soomaali, russha Сомали́йский язык, inglisshe Somali language) — afroaziya tilleri shańaraǵınıń kushit bólimine tiyisli til. Somali tiline jaqın tiller oromo hám afar tilleri bolıp tabıladı.
Bul tilde tekǵana Somalide emes, bálki Djibuti (xalıqtıń tiykarǵı bólegi), Efiopiya hám Keniya sıyaqlı mámleketlerde de sóylesedi. Somalidegi puxaralar urısı sebepli bul tilde sóylesiwshiler óz mámleketin taslap, dúnya boylap tarqaldı. Bul tilde sóylesiwshilerdiń anıq sanı belgisiz, biraq shama menen 15-25 million adam dep bahalanadı.