ಸಲ್ಲಲ್ಲಾಹು ಅಲೈಹಿ ವಸಲ್ಲಂ
From Wikipedia, the free encyclopedia
ಸ್ವಲ್ಲಲ್ಲಾಹು ಅಲೈಹಿ ವಸಲ್ಲಂ (ಅರೇಬಿಕ್: صلى الله عليه وسلم) — ಮುಸಲ್ಮಾನರು ಮುಹಮ್ಮದ್ ಪೈಗಂಬರರ ಹೆಸರು ಕೇಳುವಾಗ, ಹೇಳುವಾಗ ಮತ್ತು ಬರೆಯುವಾಗ ಬಳಸುವ ಪ್ರಾರ್ಥನೆಯ ರೂಪದಲ್ಲಿರುವ ನುಡಿಗಟ್ಟು. ಮುಸಲ್ಮಾನರ ನಂಬಿಕೆಯ ಪ್ರಕಾರ ಮುಹಮ್ಮದ್ ಪೈಗಂಬರರ ಹೆಸರು ಕೇಳುವಾಗ, ಹೇಳುವಾಗ ಮತ್ತು ಬರೆಯುವಾಗ ಈ ನುಡಿಗಟ್ಟನ್ನು ಬಳಸುವುದು ಕಡ್ಡಾಯವಾಗಿದೆ. ಈ ನುಡಿಗಟ್ಟನ್ನು ಸ್ವಲಾತ್ (ಅರೇಬಿಕ್: صلاة) ಎನ್ನಲಾಗುತ್ತದೆ. ಉರ್ದು ಭಾಷೆಯಲ್ಲಿ ಇದನ್ನು ದುರೂದ್ ಎನ್ನುತ್ತಾರೆ. ಈ ನುಡಿಗಟ್ಟನ್ನು ಬಳಸುವ ಉದ್ದೇಶವು ಮುಹಮ್ಮದ್ರನ್ನು ಗೌರವಿಸುವುದು ಮತ್ತು ಅವರಲ್ಲಿರುವ ಪ್ರೀತಿಯನ್ನು ವ್ಯಕ್ತಪಡಿಸುವುದಾಗಿದೆ.